REGLEGATI

REGLEGATI

dicti sunt Festo, quibus ignominiae aut poenae causâ necesse fuit ab urbe Roma aliôve locô abesse, lege Senatusque consultô aut edictô Magistratus. Idque ad certum aliquod tempus, quinquennium forte, ut videre est apud Cael. Rhodiginum, l. 10. c. 5. et proin maximae capitis diminutioni, seu Latae fugae aut Deportationi, hoc poenae genus contradistinguitur. Ita enim Ovid. de Tristibus, l. 2. Eleg. 1. v. 135.

Adde, quod edictum quamvis immite minaxque,

Attamen in poenae nomine lene fuit,

Quippe regegatus, non exul dicor in illo etc.

Delatores eâdem poenâ affectos legimus. Apud Herodian. enim, l. 2. Pertinax Aug. eos Urbs exigebat. Et Martialis, l. Spectac. Epigr. 4. v. 1.

Turba gravis paci, placidaeque inimica quieti,

Quae semper miseras sollicrtabat opes.

Traducta est Getulis, nec cepit arena nocentes,

Et delator habet, quod dabat exilium.

Ubi indubie legendum,

Taducta est Gyaris.

Insula namque illa, ut et in illo mari pleraeque, Relegatis civibus receptaculô fuêre. Vide quoque Ovasis supra. Quod autem Exilium vocat Poeta, abusive loquitur: Gordinaus enim demum paulo gravius in hanc hominum pestem animadvertens, Exiliô illos multâsse legitur, apud laudatum Herodian. l. 5. et 7. Vide Thom. Dempster. in Rosin. l. 9. c. 17. Sed et servi relegabantur, qui dominum offenderant, in agrum, Ulp. l. 35. ff. de haer. inst. Ad cuius moris imitationem Livia, cata illa femina, inter leviores poenas, quibus civium delicta ab Octavio castigari vuit, κατάκλειςιν εν ἀγρῷ quoque recenset, apud Dionem. Vide Casaubon. ad Octavium Sueton. c. 24. Mitior Relegatione sepositio erat, de qua infra.